نقطة تحول في حياتي كانت لما أخدت جائزة كبيرة و بوقتها تفاجئت جدا من ردة فعلي و سعادتي المؤقتة جدا اللي خلفها هاد الانجاز اللي كتير بحبه و بعتبره عزيز على قلبي و جزء مني لكنه كان نقطة تحول بالنسبة الي و نقطة بداية البحث عن شيء أعمق بحقق السعادة في الحياة.

و من هداك الوقت بدأت رحلة تعمقي في الحقيقة (و الحقيقة انه لا يوجد حقيقة واحدة مطلقة لكل الأزمان و الأمكنة)، و الموضوع مو سهل لأنه بتطلب تقاوم كل الأصوات الخارجية و البرمجات و تثق بصوتك الداخلي اللي بقلك وين تروح و شو الطريق

و من وقتها فهمت أشياء كتير عن نفسي و عن الحياة و صار شغفي أساهم في نشر التمكين الذاتي و تعليمه بدمج علمي و تكنولوجي حسب احتمال الموضوع و وبنشر ما تعلمت و جربت شخصيا.

لذلك المواضيع اللي بشاركها و الدورات اللي بعملها هي نتاج بحث و تجربة و ليس نقل سطحي لما هو منتشر لأنه بهمني جودة ما أقدم و عمقه

بحب تنضمو إلى سواء بالدورات أو بقناتي على اليوتيوب و باقي السوشال ميديا أو في مجتمع العودة للقلب